Навучэнцы Мінскага радыётэхнічнага каледжа прынялі ўдзел у інфармацыйна-асветніцкім праекце "Адкрытае веданне" ў ГЦ "Сталіца"
🗣️Ключавой тэмай сённяшняй сустрэчы сталі выбары, а дакладней, абмеркаванне сутнасці электаральных працэсаў, іх значнасці і гісторыі ўзнікнення і развіцця ў Рэспубліцы Беларусь. Гэтая размова аказалася асабліва карыснай юнакам і дзяўчатам з ліку навучэнскай, студэнцкай і працуючай моладзі, бо менавіта яны ўжо з'яўляюцца выбаршчыкамі або будуць імі ў будучыні. А таму ведаць тонкасці выбарчых працэсаў, разумець важнасць электаральных кампаній – можна сказаць, абавязак кожнага грамадзяніна нашай дзяржавы.
Для ўдзельнікаў сустрэчы выступілі кампетэнтныя спікеры:
✔️дэпутат Палаты прадстаўнікоў Нацыянальнага сходу Анастасія Мірончык-Іванава;
✔️дэпутат Мінскага гарадскога Савета дэпутатаў, дырэктар ТАА «Гарадскі Цэнтр Перакладаў» Вадзім Баравік;
✔️старшыня Цэнтральнай выбарчай камісіі Рэспублікі Беларусь з 1996 па 2021 г. Лідзія Ярмошына; ✔️старшыня Цэнтральнай выбарчай камісіі Ігар Карпенка.
✔️Мадэратарамі гутаркі сталі дэпутат Мінскага гарадскога Савета дэпутатаў, генеральны дырэктар агенцтва «Мінск-Навіны» Андрэй Крывашэеў і студэнт 2-га курса юрыдычнага факультэта БДУ Яраслаў Давыдзенка.
💬 Пасля выступлення кожнага спікера ў прысутных быў час задаць пытанні. Моладзь карысталася гэтай магчымасцю: напрыклад, хлопцам хацелася даведацца, як кандыдат у Прэзідэнты можа расказаць пра свае добрыя якасці, а таксама ці магчыма ў будучым правядзенне выбараў і галасаванне ў рэжыме онлайн.
