Навучэнцы Мінскага радыётэхнічнага каледжа прынялі ўдзел у мітынгу-рэквіеме "І няхай пакаленні памятаюць", які адбыўся сёння ў фае Авальнай Залы Дома Урада. .
Митинг-реквием приурочен ко Дню всенародной памяти жертв Великой Отечественной войны и геноцида белорусского народа.
У мерапрыемстве прынялі ўдзел старшыні пастаянных камісій Палаты прадстаўнікоў, дэпутаты Палаты прадстаўнікоў ад г. Мінска, члены Савета Рэспублікі, работнікі Сакратарыята Палаты прадстаўнікоў, прадстаўнікі моладзі.
Выступаючы перад прысутнымі, Старшыня Палаты прадстаўнікоў Нацыянальнага сходу Рэспублікі Беларусь Сяргеенка І. П. расказаў аб дзейнасці Вярхоўнага Савета БССР першага склікання.
Ён адзначыў, што Вярхоўным Саветам былі прыняты лёсавызначальныя рашэнні. Яго дэпутаты стаялі ля вытокаў фармавання канстытуцыйных асноў беларускай дзяржаўнасці. На нечарговай трэцяй сесіі Вярхоўнага Савета, якая прайшла ў лістападзе 1939 года, было прынята гістарычнае рашэнне аб уключэнні заходніх абласцей у склад Беларускай ССР.
У гады вайны дэпутаты гераічна ваявалі на франтах, былі актыўнымі ўдзельнікамі партызанскага руху і падполля, працавалі ў тыле. Кожны пяты з іх загінуў у баях, быў расстраляны, закатаваны фашыстамі або прапаў без вестак. За асабістую мужнасць і адвагу многія ўзнагароджаны ордэнамі і медалямі.
Старшыня Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Бузін Н. Я., гаворачы аб гераізме беларускага народа, праяўленага ў гады вайны, падкрэсліў важнасць захавання гістарычнай памяці і пераемнасці пакаленняў.
У завяршэнне ўдзельнікі мітынгу-рэквіема ўсклалі кветкі да мемарыяльных дошак, устаноўленых у фае Авальнай залы Дома Урада ў памяць аб 94 дэпутатах Вярхоўнага Савета БССР першага склікання, якія загінулі і прапалі без вестак у гады Вялікай Айчыннай вайны.
Пасля мітынгу-рэквіема для навучэнцаў каледжа адбылася экскурсія па Доме Урада.
